Dezaga de leyer-lo, responde: Baxo qué estilo podría clasificar-se a poesía de Miguel Labordeta? U ye más bien difizil d’encasillar? Do creyes que encaixa millor: como poeta previsible, convenzional y ortodoxo, u como poeta inconformista y heterodoxo? Le atrayeban as avanguardias artisticas?

Mira o significau d’as corriens que zita y que siñalamos en negreta:

En as suyas diferens etapas creativas ye fazil d’identificar traza de dadaísmo, de surrealismo, de l’espresionismo , de l’esistenzialismo , d’a poesía sozial, d’o concretismo, d’a poesía visual u mesmo elementos leixanamén emparentaus con a chenerazión beat estadounidense. 

En parte d’a suya obra, os espezialistas detectan tamién l’influixo d’a Chenerazión d’o 27 (mesmo cualques trazas d’autors anteriors como Unamuno y Juan Ramón Jiménez), o contauto con o postismo, y observan rastros d’a psicoanalís de Freud, l’inconszién de Jung, o marxismo, o mundo d’a zenzia-fizión, as culturas orientals, etz.

Mira tamién o significau d’os termins d’iste parrafo que emos marcau en negreta.

Por qué creyes que Miguel Labordeta utiliza ixe termin tan desagradable ta referir-se a Zaragoza? Talmén yera un poquet inchusto?

L’ambién “ranzio” no yera esclusivo de Zaragoza, pero a la fin y a l cabo, yera o que Miguel conoixeba de primera man. En tornar de Madrit, an (tot y con vivir-se un clima d’opresión similar) eba puesto coneutar con elementos alazetals ta la renovazión literaria, debió inspirar en él ixa metafora.

Dezaga d’a guerra, a Zaragoza d’o choven Labordeta yera, como a resta d’Aragón y d’España, un puesto mui poco propizio ta la creyatividat. Muitos autors fablan d’un saso cultural, en un clima de represión y escasez. Milentas d’artistas, escritors, zientificos, profesors (d’os cuals salvoron as suyas vidas dezaga d’o conflito) eban abiu de marchar a l’esilio. Y otris que se i quedoron vivirían en o que s’ha clamau un “exilio interior”.

Con ixo y con tot, i abió intentos notables de fer cosetas diferens. A capital aragonesa asistió dende 1947 a las autividaz d’o Grupo Pórtico que, promoviu por o librero José Alcrudo, ficó a pintura abstrauta y l’informalismo a traviés de diferens esposizions d’obras d’artistas como Fermín Aguayo, Alberto Duce y Santiago Basas. Pórtico (continau en o clamau Grupo de Zaragoza con Ricardo Santamaría y Juan José Vera, entre otris) ubrió o camín en España d’a pintura avanguardista de posguerra.

Tamién dende o dezenio de 1940, o Cineclub Zaragoza prebó , cuentra aire y mareya, de devantar una cultura audiovisual orichinal, que iría fructificando más tarde en o Saracosta u, dende 1957, en a constituzión d’una produtora como Moncayo Films.

Mira más informazión sobre o Grupo Pórtico: qué mena d’arte representaban, quí yeran os suyos artifizes, qué esposizions promovioron. Nomás que en Zaragoza u en atros puestos? Tenioron bella influenzia posterior, por eixemplo en o dezenio de 1960?

A renunzia a o dotorau no cayió bien en a familia. Pero Miguel eba tornau de Madrit con papels y esbozos d’o que sería o suyo primer libro.

Sobre a primera etapa d’a obra de Miguel, dizen os creticos: “O sucheto lirico mira a suya identidat tresbatida enmeyo d’o caos y d’a inminenzia d’a muerte. Ista conzenzia trachica ye achupida d’una visión profetica de l’arte enradigau en a poetica romantica y modernista. Anque os suyos versos son prosimos a o surrealismo en a tucnica —imachens ermeticas, esconchuntamientos sintauticos y uso d’o collage—, palpita en els un fondo realista que abraza a zircunstanzia istorica”.

O café Niké s’instaló en 1940 en a carrera Requeté Aragonés (que en 1979 recuperaría o suyo nombre de Zinco de Marzo anterior a la guerra) de Zaragoza. Funzionó dica la primavera de 1969.

Como ya sabemos, en o dezenio de 1950 Labordeta alentó rufiertas en ixe puesto, dende an empentó a suya “Oficina Poéetica Internacional”. O propio nombre indica una voluntat de salir d’una tancada, de contrarrestar a opresión por meyo d’as armas d’a parola, a umor y a creyatividat: os manifestos “ópicos”, os carnez de “ziudadans d’o mundo” ya indicaban ixa voluntat de trencar localismos y enamplar orizons. Estió un revulsivo ta la creyazión literaria en Aragón (como lo estió o Grupo Pórtico ta las artes plasticas).

Sin plegar a estar un xambre contino (a vegatas s’ha mitificau o Niké como si estase o zentro d’a vida d’os miembros d’a peña, cuan a mayoría atendeban a las suyas fayenas regularmén en atros entornos), ye innegable que d’astí salioron muitas iniziativas: revistas, editorials, colezions literarias… Tot ixo has puesto veyer-lo con más detalle, asinas como os nombres d’as personas vincladas a ixe ambién.

Imos a insistir en cualques d’ixas personas. Indaga sobre istos seis poetas y preba a relazionar cadagún d’els con a obra que le corresponde:

1. Julio Antonio Gómez                       a) Ese muro secreto, ese silencio
2. Raimundo Salas                              b) Las piedras y los días
3. Guillermo Gúdel                              c) Los pasos cantados
4. Luciano Gracia                                d) Acerca de lo oscuro
5. Rosendo Tello                                  e) Al oeste del lago Kivú los gorilas se suicidaban en manadas numerosísimas
6. Fernando Ferreró                            f) Hablan los días 

Soluciones: 1-e; 2-b; 3-c; 4-f; 5-a; 6-d

Indaga más sobre belún d’els. Por eixemplo, Julio Antonio Gómez tenió una biografía mui aturmentada a causa d’a represión que en a epoca s’eixerzeba sobre os homosexuals. Sabebas que dica que no plegó a democrazia en España a homosexualidat yera castigada con a garchola?

Cualques sucherenzias y recomendazions:

• • • Cuantos autors (1984): OPI-Niké. cultura y arte independiente en una época difícil. Zaragoza, Conzello. Obra en dos volumens que se presentoron dintro d’una semana commemorativa en o Teatro d’o Mercau, imple de leuturas y rezitals poeticos.
    • Benedicto Lorenzo de Blancas (1989): Poetas aragoneses. El grupo del Niké. Zaragoza, Instituzión Fernando el Católico.
    • En 2003, o grupo mosical Monte Solo publicó o libro-disco 25 canciones y poemas de la OPI Niké en su 50 Aniversario.

En 2014, Ignacio Escuín rodó un curtometrache sobre o Café Niké.

En o suyo Epilírica, chunto a atros poemas como “Salutación al pueblo en primavera” y “Un hombre de treinta años pide la palabra”, Miguel Labordeta incluyió o testo “Mataos. Severa conminación de un ciudadano del mundo”.

Puedes escuitar-lo en diferens fichers repartius por plataformas como Youtube, pero lo reproduzimos aquí ta que lo leigas en privau, u ta que tos repartaz una leutura coleutiva en clase.

Mataos
pero dejad tranquilo a ese niño que duerme en una cuna.
Si vuestra rabia es fuego que devora tal cielo
y en vuestras almohadas crecen las pistolas:
destruíos aniquilaos ensangrentad
con ojos desgarrados los acumulados cementerios
que bajo la luna de tantas cosas callan
pero dejad tranquilo al campesino
que cante en la mañana
el azul nutritivo de los soles.

Invadid con vuestro traqueteo
los talleres los navíos las universidades
las oficinas espectrales donde tanta gente languidece
triturad toda rosa hallad al noble pensativo
preparad las bombas de fósforo y las nupcias del agua con la muerte
que han de aplastar a las dulces muchachas paseantes
en esta misma hora que sonríe
por una desconocida ciudad de provincias
pero dejad tranquilo al joven estudiante
que lleva en su corazón un estío secreto.

Inundad los periódicos las radios los cines las tribunas
de entelequias estructuras incompatibilidades
pero dejad tranquilo al obrero que fumando un pitillo
ríe con los amigos en aquel bar de la esquina.

Asesinaos si así lo deseáis
exterminaos vosotros: los teorizantes de ambas cercas
que jamás asiríais un fusil de bravura
pero dejad tranquilo a ese hombre tan bueno y tan vulgar
que con su mujer pasea en los económicos atardeceres.

Aplastaos pero vosotros
los inquisitoriales azuzadores de la matanza
los implacables dogmáticos de estrechez mentecata
los monstruosos depositarios de la enorme Gran Estafa
los opulentos energúmenos que en alza favorable de cotizaciones
preparáis la trituración de los sueños modestos
bajo un hacha de martirios inútiles.

Pisotead mi sepulcro también
os lo permito si así lo deseáis inclusive y todo
aventad mis cenizas gratuitamente
si consideráis que mi voz de la calle no se acomoda a vuestros fines suculentos
pero dejad tranquilo a ese niño que duerme en una cuna
al campesino que nos suda la harina y el aceite
al joven estudiante con su llave de oro
al obrero en su ocio ganado fumándose un pitillo
y al hombre gris que coge los tranvías
con su gabán roído a las seis de la tarde.

Esperan otra cosa.
Los parieron sus madres para vivir con todos
y entre todos aspiran a vivir tan sólo esto
y de ellos ha de crecer
si surge
una raza de hombres con puñales de amor inverosímil
hacia otras aventuras más hermosas.

O chirmán de Miguel Labordeta, José Antonio, leyió iste poema en as Cortes Españolas, d’as cualas yera deputau, en l’año 2003, con motivo d’o refirme d’o Gubierno español (fren a o criterio d’a mayoría d’a poblazión) a la campaña melitar d’Estaus Unius en Irak.

Como veyes, a poesía ye bella cosa más que un eixerzizio d’estilo, d’estetica. Podemos fablar de fabulazions, de visions cosmicas, pero una idea, un mandau… cobra más fuerza si s’espresa apelando a os sentimientos intimos que esplora o parlache poetico, “tocando a fibra”. A creyatividat y a imachinazión pueden estar poderosas ferramientas de paz, de cambio, de libertat…

O proyeuto “The booksmovie” replega en Youtube leuturas de muitos poetas, aragoneses u no. Te recomendamos istos dos enlazes:

Iste conteniu puede enlazar-se mutuamén con o de José Antonio Labordeta: por eixemplo, a Fundazión José Antonio Labordeta, a manca d’un deposito definitivo d’o legau de Miguel (que en parte almagazena a Universidat de Zaragoza), le adedica autividaz y presenzia dintro d’as suyas posibilidaz

Puedes tamién mirar-te as obras Ofizina d’Orizón y Esautamén tresbatiu en a plataforma Ebiblio de o Gubierno de Aragón y o Ministerio de Cultura, en iste enlaz: